Jowhar – ( Radio Isnaay ) – Ugu yaraan 116 qof ayaa ku dhintay guud ahaan gobolka Rio Grande do Sul ee dalka Brazil., iyadoo magaalooyin badan ay biyuha iyo daadadku gooyeen, rajada laga qabo in la helo in ka badan 140 qof oo weli la la’yahay ayaa sii yaraaneysa.
Inta badan Caasimadda gobolka Porto Alegreaxaa mugdi ka dhigayfatahaada, taasi oo waxyeelo u geysatay xarumaha korontada iyo biyaha, sidoo kale dadka deegaanka ayaa intooda badan ay ku dhacday biyo la’aan
“Markii aan shaqada aaday isniintii, wali waxaan mari karayay waddada biyaha badan aniga oo baabuurkeyga wata. Galabtii, ciidanku waxay dadka ku badbaadinayeen gawaarida xamuulka ah,” ayay tiri Magda Moura oo degan Porto Alegre.
Waa maalintii ay daadadku burburiyeen qaybo ka mid ah koonfurta Brazil oo ay biyhu gooyeen dhismihii ay ku noolayd.
“Arbacadii, biyuhu waxay gaareen [dherer] 1.7m (5ft 6in),” ayay sheegtay
45-jirkan ku taqasusay daweynta jirdhiska ayaa ka mid ah 408,100 qof oo ku barakacay daadad ka dhashay roobab mahiigaan ah oo ka da’ay gobolka Rio Grande do Sul ee dalka Brazi
