Jowhar – ( Radio isnaay ) -Bruno Fernandes ayaa la siiyay 72 saacadood si uu u go’aansado inuu aqbalo dalabka culus ee Al Hilal.
Saudi Pro League waxaa ka go’an inay magac ku darsadaan ka hor inta uusan bilaabmin koobka kooxaha aduunka ee bisha soo aadan, waxayna bartilmaameedkooda sare ka dhigteen ciyaaryahanka ugu fiican Manchester United.
Laakiin, sida laga soo xigtay Daily Mail, xiddiga Portugal Fernandes waa inuu si dhakhso ah u go’aansadaa iyadoo kooxda Old Trafford ay diyaar u tahay inay tixgeliso dalabyada kooxdeeda oo dhan ka dib olole xun oo ay ku lumisay finalkii Europa League oo ay ku dhammaysatay rubuc hoose ee Premier League.
Fernandes ayaa ka caga jiidaya inuu ka tago United laakiin wuxuu sheegay ka dib guuldaradii Arbacadii hore ka soo gaartay Tottenham Hotspur ee Bilbao inuu bixi doono hadii loo baahdo.
Man United ayaa quus ka taagan inay lacag ka soo ururiso iibka si ay u maalgaliso dib u habeynta kooxda Ruben Amorim.
Al Hilal oo fadhigeedu yahay Riyadh ayaa diyaar u ah inay siiso Fernandes £700,000 canshuur la’aan todobaadkii taasoo qayb ka ah heshiis seddex sano ah oo, dhammaantiis, ay ku kici doonto 200 milyan oo euro.
