Jowhar – ( Radio Isnaay ) – Kooxda Arsenal ayaa guul raaxo leh ka Gaadhay kooxda Fulham kulan ka tirsanaa premier League.
Kulanka ayaa ahaa mid ay Arsenal maamulayso ciyaarta iyaga oo ka awood badnaa kooxda Fulham.
Fulham ayaa ciyaaraysay weeraro rogaal celis ah waxana ay ku jireen daafac adag.
Dhinaca kale Arsenal ayaa maamulaysay ciyaarta iyaga oo wax walba u samaynayay sidii ay u dhalin lahaayeen goolal.
Daqiiqadii 37-aad ayay Arsenal dhalisay goolka 1-aad waxana u dhaliyay xiddiga Mikel Merino kaas oo ciyaarta ka Dhigay 1/0.
Waxa sidaas ku dhamaatay qaybta hore ee ciyaarta oo ay Arsenal ahayd kooxda fiican.
Qaybta dambe ayay Arsenal ku bilaabatay si dar-dar leh iyaga oo doonayay in ay dhaliyaan goolal kale.
Daqiiqadii 73-aad ayay Arsenal dhalisay goolka 2-aad waxana u dhaliyay xiddiga Bukayo Saka kaas oo gool ku Soo laabtay kadib dhaawacii uu ku maqnaan.
Daqiiqadii 90+4-aad ayay Fulham dhalisay goolka 1-aad waxana u dhaliyay xiddiga Muniz.
Waxa sidaas ku dhamaatay ciyaarta oo ay Arsenal gaadhay guul Muhiim ah.
