Jowhar – ( Radio Isnaay ) – Shirkadda OpenAI ee leh ChatGPT ayaa ku dhawaaqday inay si ku-meelgaadh ah u xaddidayso adeegsiga ChatGPT qeybtiisa bilaashka ah, kaddib markii adeegga sawirrada sameeya uu si aad ah loo isticmaaley.
Madaxa shirkadda, Sam Altman, ayaa qoraal uu bartiisa X (horey Twitter) ku sheegay in dad badan ay aad u jecleysteen sawirrada la sameeyo, balse ay keentay in qalabka GPU-yada ah uu aad u kululaado.
Altman wuxuu yirdhi “Waa mid farxad leh in la arko dadkii oo jeclaanaya sawirrada ChatGPT, laakiin GPU-yadayadu way dhalaalayaan. Waxaan ku qasbanahay inaan si ku-meelgaadh u xadidno tirada adeegyada ilaa aan ka hagaajinno adeega.”
Waxaa la filayaa in dadka adeegsada qeybta bilaashka ah ee ChatGPT ay heli doonaan 3 adeeg oo sawir sameyn ah maalintii, ilaa laga hagaajinayo system-ka.
