Jowhar-(Isnaay Radio)- Ruben Amorim ayaa la hadlay saxaafadda kadib markii Manchester United ay 1-0 kaga adkaatay Fulham ciyaar ka dhacday Craven Cottage habeen-nimadii Axadda.
Gool uu dhaliyey Lisandro Martinez daqiiqaddii 78-aad ayaa ahaa kan kaliya ee kala saaray labada kooxood, halka Toby Collyer, oo ah xiddig khadka dhexe oo da’yar, uu si cajiib ah kubbad gool ku sii socotay uga badbaadiyey United, taasoo u suurtagelisay inay helaan saddex dhibcood oo muhiim ah.
Markii wax laga weydiiyay haddii gool dhalinta ay tahay dhibaato kooxdiisa haysata, Amorim ayaa u sheegay TNT Sports:
“Waxaan u maleynayaa inay sidaas tahay. Xitaa qeybtii labaad waxaan rabnay inaan wax ka beddelno, laakiin waxaan u baahan-nay xawaare iyo xoog badan oo weerarka hore ah.
“Laakiin waa sida ay tahay. Waxaan u baahan-nahay ciyaartoy abuuri kara fursado badan iyo xaalado goolal lagu dhalin karo. Waxaan aad ugu dhibtoonay faahfaahintaas. Laakiin guushu aad bay kaaga caawisaa inaad horumar gaarto.”
Markii la weydiiyay haddii uu filayo caawimaad dheeri ah inta ka harsan toddobaadka suuqa kala iibsiga, Amorim wuxuu ku jawaabay:
“Waa inaan taxaddar muujinnaa. Xitaa sharciyada halkan ka jira, waa inaan raacnaa.
“Waan samaynay khaladaad [suuqa kala iibsiga] waagii hore, hadda ma samayn karno. Waxaan diiradda saarnay horumarinta kooxda, bal aan aragno. Aan diiradda saarno ciyaartoyda aan haysanno oo aan xoogga saarno ciyaarta soo socota.”
