Pep Guardiola ayaa xaqiijiyey dhaawac soo gaaray xiddig muhiim ah oo ka tirsan Manchester City kahor ciyaarta go’aamin doonta Champios League iyo kulanka muhiimka ah ee Premier League ee ay la ciyaarayaan Arsenal.
Guardiola ayaa sheegay in Jeremy Doku uu seegi doono ciyaarta go’aaminta Champions League sidoo kalena uu shaki ku jiro inuu ka qeyb qaato kulanka Premier League ee Arsenal.
Doku, oo ku biiray City xagaagii 2023 isagoo £55m uga yimid kooxda Rennes, wuxuu seegay kulankii Champions League ee City guuldarrada ay kala kulantay Paris Saint-Germain toddobaadkii hore iyo guushii ay ka gaareen Chelsea sabtidii.
Kooxda Guardiola waxay u muuqatay kuwo u dhow inay tallaabo weyn u qaadaan wareegyada bug-baxa Champions League markii ay hoggaanka ku qabteen 2-0 ciyaartii PSG iyagoo ka helay goolal Jack Grealish iyo Erling Haaland qeybtii labaad.
Laakiin Paris Saint-Germain ayaa soo bandhigtay soo laabasho cajiib ah,waxeyna ku badisay 4-2, taasoo halis gelisay rajada City ee Champions League.
Guardiola ayaa yiri: “Ruben diyaar ma aha, Nathan sidoo kale ma joogo, waxaan ku faraxsan-nahay in Manu uu caafimaad qabo oo John uu naga caawin karo kulankeena muhiimka ah ee Arbacada.
“Waxaa jira ciyaartoy lagu kalsoonaan karo iyo kuwo kale oo dhaawacyo badan qaba marka loo eego xaaladdeena.”
