Jowhar – ( Radio Isnaay ) – Tababaraha kooxda Arsenal ee Mikel Arteta ayaa muujiyay sida uu uga xun yahay in ay kooxdiisu bar-baro La gashay kooxda Aston Villa kulan ka tirsanaa premier League.
Arsenal ayaa markii hore hogaanka u qabatay ciyaarta waxaana u kala dhaliyay Gabriel Martinelli daqiiqadii 35aad iyo Kai Havertz daqiiqadii 55aad.
Aston Villa ayaa ku guuleysatay inay la timaado goolka barbaraha ka dib labo gool oo ay u kala dhaliyeen Tielemans daqiiqadii 60aad iyo Ollie Watkins daqiiqadii 68aad.
Arteta ayaa yidhi”Waan ku faraxsanahay sida ay dhallinyaradu ula ciyaareen kooxda ka soo horjeeda, waa wax gaar ah in la bixiyo heerkan xakamaynta iyo waxqabadka ciyaartii 3-aad muddo 6 maalmood ah”.
Waxa uu intaa ku daray:”Waxaan u qalanay wax ka badan inta aan ka helnay kulanka,kani waa cad yahay sida aan u difaacnay, gaar ahaan goolkii labaad, ma noqon karto qayb ka mid ah habkayaga”.
