Jowhar – ( Radio Isnaay ) – Xabbad joojinta dagaalka Gaza ayaa bilaaban doonta subaxnimada berri oo Axad ah saacaddu marka 06:30 GMT, sida ay Sabtida maanta ah sheegtay dowladda Qatar oo ka mid ah dhexdhexaadiyaasha, waxaana warkan uu yimid ka dib markii golaha wasiirrada Israel ay u codeeyeen in la ansixiyo heshiiska iyo sii deynta la haystayaasha iyo maxaabiista.
Qatar, Masar iyo Mareykanka oo ah dhexdhexaadiyeyaasha ayaa ku dhawaaqay heshiiska Arbacadii.
Duqeymaha Israa’iil ee Gaza ayaa socday tan iyo xilligaas. Sabtida maanta ah, guddiga difaaca madaniga ah Gaza ayaa sheegay in ugu yaraan shan xubnood oo isku qoys ah ay dhinteen ka dib markii weerar lagu qaaday teendhadii ay ku noolaayeen ee Khan Yunis oo ku taalla koonfurta Gaza.
