Jowhar – ( Radio Isnaay ) – Man United ayaa u baahan in ay dhinaca kale u rogaan taariikhiidii ugu dambaysay hadii ay doonayaan in ay natiijo kala baxaan Anfield kulanka maanta.
Xaqiiqada ayaa ah mid xanuun badan iyada oo Man United kaliya dhalisay hal gool 8-dii kulan ee ugu dambeeyay ee ay booqatay Anfield.
Kooxda Man United ayaa sidoo kale aan wax gool ah ka dhalin Liverpool 5-tii kulan ee ugu dambaysay ee ay booqatay Liverpool.
Jesse Lingard ayaa ah xiddigii ugu dambeeyay ee Man United u dhaliya gool Anfield sanadkii 2018.
Mohamed Salah ayaa sidoo kale jecel kulanka United isaga oo macmiil ka dhigtay United.
Tan ilaa 2020, weeraryahanka Liverpool ayaa United ka dhaliyay 12 gool waana in ka badan xiddig kasta oo kale.
