Jowhar – ( Radio Isnaay ) – Tababaraha kooxda Arsenal Mikel Arteta ayaa lagu soo waramayaa in aanu ku faraxsanayn heerarka qaab ciyaareedka ee Raheem Sterling.
Gunners ayaa haatan si weyn ugu dhibtoonaysa horyaalka waxayna fadhisaa kaalinta saddexaad ee kala saraynta Premier League, waxayna sagaal dhibcood ka hoosaysaa kooxda hogaanka haysa ee Liverpool.
Rajada kooxda ka dhisan Waqooyiga London ee ah inay Reds iyo Manchester City kula dagaalanto hanashada horyaalka ayay soo wajahday dhirbaaxo kadib markii ay bar-baro la gashay Chelsea.
Sida laga soo xigtay Football Insider, mid ka mid ah xiddigaha yimid kooxda suuqii xagaaga ayaa ku dhibaatoonaya in uu saamayn ku yeesho Emirates.
Wararka ayaa intaas ku daraya in tababaraha Gunners Arteta uusan ku faraxsaneyn qaab ciyaareedka iyo tababarka kooxda ee Sterling.
