Jowhar – ( Radio Isnaay ) – Ruben Amorim ayaa ka falceliyay markii ugu horeysay ka dib markii lagu dhawaaqay inuu yahay tababaraha kooxda Man United.
Suxufiga reer Norway ee Frederik Filtvedt, oo sidoo kale xubin ka ah kooxda Man United ee taageereyaasha Scandanavian-ka, ayaa Amorim kula xidhiidhay email ahaan si uu ugu hambalyeeyo shaqada cusub.
Jawaabtii ayaa timid: “Aad baad ugu mahadsan tihiin taageeradiina, hoos idiin dhigi maayo”.
Man United ayaa xaqiijisay in Amorim uu saxiixay heshiis dhacaya July 2027 wuxuuna si rasmi ah ula wareegi doonaa November 11, isla marka uu bilowdo fasaxa caalamiga ah.
