Jowhar – ( Radio Isnaay ) – Paris Saint-Germain ayaa dooneysa inay la soo wareegto xiddiga Manchester United ee Bruno Fernandes si ay ugu xoojiso khadka dhexe suuqa xagaagan sida ay sheegayaan wararku.
Fernandes waa kabtanka United waana ciyaaryahan muhiim ah oo ku jira qolka labiska laakiin wuxuu dhaliyay shaki weyn oo ku saabsan mustaqbalkiisa Red Devils dhamaadkii bishii April.
Tababaraha United Erik ten Hag ayaa ku adkeysanaya inuu ‘gabi ahaanba’ doonayo Fernandes inuu sii joogo Old Trafford.
Laakiin taasi kama hor istaagin PSG inay diiwaangeliso xiisaha ay u qabto xiddiga heerka caalami ee dalka Portugal, waxayna doonayaan inay la soo wareegaan ka hor xilli ciyaareedka 2024-25.
Taasi waa sida laga soo xigtay majaladda Faransiiska ee L’Equipe, oo ku warameysa in PSG ay haatan ‘xiis weyn u qabto’ xiddiga 29-jirka ah ee United, kaasoo guud ahaan kooxda u ciyaaray 233 kulan ilaa haatan, isagoo dhaliyay 79 gool iyo 66 caawin. .
