Jowhar – ( Radio Isnaay ) – Ninka ugu taajirsan Afrika, Aliko Dangote, ayaa ka yaabiyay dad badan oo reer Nigeria ah ka dib markii uu sheegay in uusan guri ku lahayn meel ka baxsan dalkiisa.
Mr Dangote ayaa sheegay in uu labo guri ku lahaa – magaaladii uu ku dhashay ee Kano, iyo Lagos – uuna ku noolaa guri kiro ah mar kasta oo uu booqdo caasimadda Abuja.
Hadaladiisa ayaa ka yaabiyay dad badan oo ku nool waddan ay dadka taajiriinta ah ku sifoobeen qaab nololeedka raaxada. Maalqabeen badan oo reer Nigeria ah ayaa guryo ku leh London, Dubai iyo Atlanta.
Waxa uu bishii Janaayo majaladda Forbes ku dartay ninka ugu taajirsan Afrika sannadkii 13-aad oo xiriir ah inkastoo uu dalkiisa ay jiraan dhibaatooyin dhaqaale.
Hantidiisa ayaa kor u kacday $400m sanadkii hore, taasoo dhan wadar ahaan $13.sida ay majalada Forbes sheegtay.
