Jowhar – ( Radio Isnaay ) – Manchester United waa inay shaqaaleysiisaa Graham Potter haddii ay ceyriyaan Erik ten Hag, ayuu yiri ciyaaryahan hore Tom Cleverley.
SunSport waxay fahansan tahay in maalgeliyaha soo socda Sir Jim Ratcliffe uu la kulmay tababarihii hore ee chelsea Chelsea Potter wuxuuna u arkaa inuu yahay macalin macquul ah.
Ten Hag ayaa cadaadis saaran yahay ka dib markii United ay ka baxday Yurub bishaan, iyadoo Red Devils ay sidoo kale lix dhibcood ka hooseyso afarta sare.
Potter, oo 48 jir ah, ayaa shaqo la’aan ahaa tan iyo markii laga ceyriyay Chelsea bishii April, laakiin Cleverley wuxuu qabaa inuu ku habboon yahay Old Trafford.
Waxa uu u sheegay Ladbrokes Fanzone: “Marka ay timaado Graham Potter, ma garanaysid sida uu qof dareemayo, waxaa laga yaabaa inuu u baahday nasasho maskaxeed. Waxa uu ku jiray tababarka sanado badan, laakiin shakhsi ahaan waxaan u maleynayaa inuu yahay tababare Sare”.
“Waad aragtaa wararka xanta ah ee United xilligan, aniguna shaqsiyan waxaan aaminsanahay inay taasi tahay heerka koox uu hogaamin karo”.
