Jowhar – ( Radio Isnaay ) – Kooxda kubadda cagta Liverpool ayaa si rasmi ah u shaacisay isbeddelka ay ku samaysay lambarrada ay xidhanayaan xiddigaheedu xilli-ciyaareedak 2023/24, inkasta oo uu mar kale isbeddel ku iman karayo oo ay jiri karayaan ciyaartooyo cusub oo iman doona Anfield iyo kuwo baxaya.
Darwin Nunez oo xilli-ciyaareedkii hore ku cusba horyaalka Premier League ayaa la kulmay caqabado badan oo ahaa casaan, ganaaxyo dhawr kulan ah, dhaawacyo iyo la-qabsigiisa kubadda Ingiriiska oo waqti ku qaadatay.
Liverpool oo ay sidoo kale ka tageen Naby Keita, James Milner iyo Oxlade-Chamberlain ayaa waxa kale oo go’aan gaadhay kabtan Jordan Henderson oo u wareegaya kooxda Al Ettifaq ee waddanka Sucuudiga iyo Fabinho oo isagana ay u yeedhanayso kooxda Al-Ittihad ee Sucuudiga ee hore u qaadatay Karim Benzema iyo N’Golo Kante.
