Jowhar – ( Radio Isnaay ) – Montana ee dalka Maerykanka, ayaa noqonaya kii ugu horeeyay ee Maraykanka oo meel mariyo sharci mamnuucaya isticmaalka Tiktok.
Haddii guddoomiyaha gobolka uu saxiixo lasoo gudbiyey sharciga, ayaa waxaan shaki ku jirin in isticmaalka Tiktok uu noqon doonto dembi.
Tallaabadan muhiimka ah ee uu gobolku si rasmi ah ugu mamnuucayo Tiktok sababo amni awgood, ayaa ku soo beegmaya xilli gobollada kale ee Maraykanka ay arrintan falan qeynayaan.
Shirkadda Tiktok ayaa marar badan beenisay eedeymaha ah in ay xogta siiso dowladda Shuuciga ah ee Shiinaha, iyada oo ku wareejinaysa macluumaadka gaarka ah ee isticmaalayaasha maamulka Beijing.
Sida sharciga qabo, Apple iyo Google waa inay Tiktok ka saaraan bartooda lagala soo dago barnaamijyada.
Dalalka Maraykanka, Kanada iyo qaar ka mid ah dalalka Yurub, ayaa horey u mamnuucay isticmaalka Tiktok ee talefannada iyo kumbuyuutarrada yaalla xafiisyada dowladda.
