Jowhar – ( Radio Isnaay ) – Barcelona ayaa la ballansan kooxda booska 16-aad kaga jirta horyaalka La Liga ee Cadiz toddobaadkan xilli ay doonayaan guushoodii 19-aad ee La Liga xilli ciyaareedka.
Barca oo ka warqabta in Real Madrid laba guulood kusoo gaadhay afar maalmood gudahood ayaa caawa doonaysa inay siddeed dhibcood ku celiso farqiga ay hoggaanka ku hayso oo haatan shan dhibcood yimid.
Wararka Labada Kooxood Ee Kulanka Kahor
Barcelona waxa usoo laabtay kabtankeeda Sergio Busquets balse waxa ka maqnaan doona mashiinkeedii khadka dhexe ee Pedri iyo Ousmane Dembele.
Barcelona waxa ka ganaaxan Ronald Araujo, tababare Xavi oo kulankan kahor sheegay inuu isbedelo shaxeed samayn karo ayaa kusoo bilaabi kara Sergi Roberto, Balde iyo Kessie isagoo fadhiisinaya Alba iyo Busquets.
Cadiz waxa ka maqnaan doona ciyaartoy badan oo kala ah Joseba Zaldua, Jon Ander Garrido, Jose Mari, Victor Chust, Juan Cala, Alvaro Negredo, iyo David Gil halka uu ganaaxan yahay Alfonso Espino.
Shaxaha Macquulka Ah
Barcelona (4-3-3):Ter Stegen; Kounde, Christensen, Alonso, Balde; Roberto, F de Jong, Kessie; Raphinha, Lewandowski, Gavi
Cadiz (4-3-3): Ledesma; Carcelen, Fali, Hernandez, Arzamendia; Bongonda, Alcaraz, Escalante, Ocampo; Roger, Guardiola
Xogta Kulanka
Tartanka: La Liga
Wakhtiga: 11:00 habeenimo xilliga geeska Africa
Garsoore: Pablo Gonzalez
Garoonka: Camp Nou