Jowhar – ( Radio Isnaay ) – Manchester City oo dadaal badan ugu jirta sidii ay cadaadiska u saari lahayd kooxda hoggaanka haysa ee Arsenal ayaa caawa marti-qaadaysa dhigeeda Aston Villa.
City ayaa toddobaadkii hore ka faa’idaysan wayday guuldarro Arsenal kala kulantay Everton iyagoo dhinacooda guuldarro kala kulmay Tottenham.
Markale Sky Blues ayaa fursad la siiyay kahor kulanka ay Arbacada la leeyihiin isla Arsenal maadaama ay kooxdaasi shalay barbardhac ku dhaafi wayday Brentford oo marti u ahayd.
Wararka Labada Kooxood
Man City waxa dhaawac kaga maqnaan doona John Stones balse waxa la filayaa inuu soo laabto Phil Foden oo xanuun ku seegay ciyaartii Tottenham.
Rico Lewis ayaa la filayaa inuu markale kusoo bilawdo shaxda Pep isagoo Kyle Walker kasoo hormaraya lana ciyaaraya Nathan Ake, Laporte iyo Akanji.
Mahrez iyo Grealish ayaa la filayaa inay weerarka kala dheelaan Haaland halka Gundogan khadka dhexe kaga soo hormari karo Bernardo Silva.
Aston Villa dhinaceeda waxay dhaawacyo ku waayaysaa Diego Carlos iyo Jed Steer, Unai Emery ayaa lagu wadaa inuu shax ciyaareedka 4-4-2 kusoo shirtago.
Shaxaha Macquulka Ah
Man City (4-3-3): Ederson; Lewis, Akanji, Laporte, Ake; De Bruyne, Rodri, Gundogan; Mahrez, Haaland, Grealish
Aston Villa (4-4-2): Martinez; Young, Konsa, Mings, Digne; Ramsey, Kamara, Luiz, Buendia; Bailey, Watkins
Xogta Kulanka
Tartanka: Premier League
Garoonka: Etihad Stadium
Wakhtiga: 7:30 habeenimo xilliga geeska Africa
Garsoore: Robert Jones