Jowhar – ( Radio isnaay ) – Xiddiga da’da yar ee Barcelona ee Gavi ayaa ku guuleystay abaal-marinta wiilka dahabka ah ee ugu wanaagsan sannadka ee Golden Boy maalmo kaddib markii la guddoonsiiyey abaal-marinta Kopa Trophy ee ciyaartoyga ugu fiican da’yarta adduunka sannadkan.
Gabi oo bandhig heersare ah ka sameeyey garoomada xilli ciyaareedkii tegay ayaa isku darsaday labada abaal-marinood ee Kopa Trophy oo uu bixiyo wargeyska France Football, isla markaana lagu guddoonsiiyey xafladdii Ballon d’Or, halka maantana la shaaciyey inuu ku guuleystay abaal-marinta kale ee Golden Boy ee uu bixiyo wargeyska Tuttosport.
