Jowhar – ( Radio Isnaay ) – Kooxda kubadda cagta Liverpool ayaa soo saartay liiska xiddigaha halyeeyadeeda ee maalinta Sabtida garoonka Anfield kula ciyaari doona halyeeyada Manchester United, iyadoo Red Devils na soo saartay xiddigaha kulankaas u dheeli doona.
Liverpool ayaa guuleysatay ciyaartii ‘Lengends of the North’ ama ‘Kulanka Halyeeyada Woqooyiga’ ee bishii May ee sannadkan ka dhacay garoonka Old Trafford, iyadoo Luis Garcia uu Liverpool qaybtii hore gool u dhaliyey, halka qaybtii labaadna uu laba gool ku daray Mark Gonzalez, waxaanay ciyaartaasi kusoo dhamaatay 3-1.
