JOWHAR (Radio isnaay) Kooxda Man United ayaa lagu soo waramayaa in ay Xiddiga Cristiano Ronaldo u qabatay wakhti uu ugu soo laabto tababarka kooxda.
Cristiano Ronaldo ayaan ilaa haataan bilaaban tababarka isku diyaarinta xilli ciyaareedka cusub isaga oo ku sugan dalkiisa Portugal.
Xiddiga Cristiano Ronaldo ayaa warqada bixitaanka u gudbiyay bishii hore waxana uu ka dalbaday in ay u ogolaato in uu isaga tago kooxda xagaagan
Sida laga soo xigtay daily Mail, Man United ayaa Cristiano Ronaldo u sheegtay in uu diyaar u noqdo tababarka kooxdiisa marka ay aadaan dalka America.
Kooxda Man United ayaa todobaadka dambe u duuli doonta dalka America halkaas oo ay ku qabsan doonto tababarka isku diyaarinta xilli ciyaareedka cusub.
