JOWHAR (Radio isnaay) Mustaqbalka Mohamed Salah ee Liverpool ayuu shaki ku jiray bilihii ugu dambeeyay isaga oo ilaa haatan didan in uu heshiis cusub u saxiixo kooxdiisa.
Heshiiska Mohamed Salah ee Liverpool ayaa dhici doona 2 sano kadib Reds ayaana doonaysa in ay sii haysato xiddiga reer Masar heshiis cusubna ka saxiixato.
Laakiin Salah ayaa dalbanaya mushahar aad u sareeya iyo waliba in lagala mushahar dhigo xiddigaha ugu mushaharka badan horyaalka premier League.
Arintaas ayaa ah min ayna Liverpool wali Aqbalin iyada oo ay kooxdu ilaa haatan wadahadalo kula jirto wakiilka xiddiga reer Masar si ay heshiis cusub uga saxiixato.
Laakiin sida laga soo xigtay Goal, Chelsea ayaa si lama filaan ah u diyaarinaysa in ay u dhaqaaqdo saxiixa xiddiga si ay Stamford Bridge ugu soo celiso xiddiga.
Salah ayaa horay ugu soo ciyaaray chelsea waxana ay doonayaan in ay dib u soo ceshtaan xiddiga iyaga oo diyaarinaya dalab 50 milyan ah oo ay ku dalbadaan xiddiga.
