JOWHAR (Radio isnaay) Kooxda chelsea ayaa Bar-baro kala kulantay kooxda Brighton kulan ka dhacay Stamford Bridge kana tirsanaa todobaadkii 20-aad ee horyaalka premier League.
Bar-baraas ayaa chelsea ka caawisay in ay ka sare marto kooxda Liverpool waliba kala baxdo kaalinta 2-aad ee kala saraynta horyaalka premier League.
Kulanka ayaa ahaa mid adag oo ay labada kooxood soo bandhigeen qaab ciyaareed cajiib ah oo ay labada kooxood si dhab ah u doonayeen dhibcaha kulanka.
Kooxda Brighton ayaa dhanka kubad hasashada kaga fiicnayd chelsea halka ay Blues ahayd kooxda fursadaha halista ah helaysay.
Daqiiqadii 28-aad ayay chelsea dhalisay goolka 1-aad ee ciyaarta waxana madax u dhaliyay xiddiaga Romelu Lukaku kaas oo hogaanka u dhiibay kooxda chelsea ciyaartana ka dhigay 1/1.
Waxa sidaas ku dhamaatay qaybtii hore ee ciyaarta oo ay chelsea hogaaminayso kulanka laakiin Brighton ahayd kooxda halista badan.
Qaybtii dambe ee ciyaarta ayay Brighton si dar-dar leh ku bilaabatay iyaga oo doonayay in ay dhaliyaan goolka bar-baraha ee ciyaarta.
Brighton ayaa wax walba u samaysay sidii ay u keeni lahayd bar-baraha xilli ay chelsea difaac gashay isla markaas qaadayeen weeraro rogaal celis ah oo ay marar badan ku halis galiyeen kooxda Brighton.
Daqiqiadii 90+1-aad ayay Brighton dhalisay goolka bar-baraha waxana madax u dhaliyay xiddiga Danny Welbeck kaas oo ciyaarta ka dhigay bar-baro 1/1 ah.
Waxa sidaas ku dhamaatay ciyaarta oo ay chelsea ku fashilantay in ay guul gaadho iyaga oo daqiiqadihii uu dambeeyay dhibcaha iska lumiyay
