Jowhar – (Radio Isnaay ) – Liverpool ayaa kalsooni ku qabta inay Mohamed Salah ka saxiixan doonaan heshiis cusub oo ilaa xagaaga 2025 ah inkasta oo uu xiddiga reer Egypt dalbaday mushahar todobaadle ah oo dhan 500,000 si uu u sii joogo Merseyside.
Salah ayaa haatanba ka mid ah xiddigaha ugu mushaharka badan Liverpool laakiin Klopp ayaa doonaya in uu xiddiga ku sii haysto kooxda waliba heshiis cusub ka saxiixdo xiddiga.
Xiddiga 29 jirka ah ayay 2 sano uga dhimantahay heshiiskiisa kooxda Liverpool ee haatan waxana uu doonayaa in uu klopp qalinka ku duugo heshiis cusub Xilli ay PSG iyo Real Madrid isha ku hayaan saxiixiisa.
Laakiin Saxafiga Nicolo Schira ayaa sheegay in ay Liverpool ku kalsoontahay in ay heshiis cusub ka saxiixato xiddiga reer Egypt.
