0ka Difaaca Dhexe Ee Ugu Wanaagsan Dunida Oo Lasoo Saaray, Van Dijk Oo La Waayey Iyo Dias Oo Ku Jira.

Jowhar – ( Radio Isnaay ) – Qiimaynta difaacyada dhexe ee ugu wanaagsan dunida waqtigan ayaa la sameeyey, waxaana kaalinta lixaad soo galay laacibka Manchester City ee Ruben Dias oo wacdaro ka dhigay horyaallada Premier League iyo Champions League xilli ciyaareedkan.

Difaacan reer Portugal ayaa bandhig cajiib ah muujinaya iyagoo si heersare ah u wada shaqaynaya John Stones oo isaguna kaalinta koowaad ka galay qiimaynta difaacyada ugu wanaagsan dunida waqtigan.

Dias oo Manchester City ay £51 milyan oo Gini xagaagii kaga soo iibsatay Benfica ayaa si layaableh ula qabsaday kooxda, waxaana bandhig lala yaabay uu muujiyey kulankii Champions League ee Salaasadii ay kooxdiisu 2-0 ku garaacday Paris Saint-Germain.

Xiddigii garoonka ee kulankii PSG ee xalay ayaa uu Ruben Dias ku garaacay Riyad Mahrez oo laba gool dhaliyey, dhibaato badanna ku hayay difaacyahannada kooxda reer France.

Qiimayn ay samaysay Football Critic ayaa waxa lagu shaaciyey 20ka difaac dhexe ee waqtigan ugu fiican dunida, waxaana gebi ahaanba ka maqan Virgil van Dijk oo hore u ahaan jiray difaaca ugu fiican laakiin xilli ciyaareedkan oo dhan ku maqan dhaawac, waxaase kaalinta 1aad soo galay John Stones oo Manchester City ah.

Difaaca labaad ee ugu fiican ayaa waxa noqday Thiago Silva oo Chelsea ka dhigay mid ka mid ah kooxaha ugu wanaagsan khadka dambe ee difaaca, kuna soo xigta Manchester City marka laga eego tirada goolasha yar ee laga dhaliyey.

Thiago Silva oo ay da’diisu tahay 36 jir, si bilaash ahna ugu soo biiray Blues xagaagii hore markii uu soo dhamaaday qandaraaskiisa PSG oo uu ku dhowaad toban sannadood u ciyaarayay ayaa waxa uu noqday laacibka liiska difaacyada ugu fiican kaalinta labaad kaga jira.

Edmond Tapsoba oo ah 22 jir u ciyaara Bayer Leverkusen ayaa soo galay kaalinta saddexaad, halka kabtanka Real Madrid ee Sergio Ramos uu afraad ku jiro.

Akhriso 20ka difaac ee ugu wanaagsan dunida waqtigan:

20. Gerard Pique (Barcelona)
21. Stefan de Vrij (Inter Milan)
22. Jules Kounde (Sevilla)
23. Caglar Soyuncu (Leicester)
24. Matthijs de Ligt (Juventus)
25. Raphael Varane (Real Madrid)
26. Aymeric Laporte (Man City)
27. Giorgio Chiellini (Juventus)
28. Kurt Zouma (Chelsea)
29. Andreas Christensen (Chelsea)
30. Harry Maguire (Man United)
31. Dayot Upamecano (RB Leipzig)
32. Eder Militao (Real Madrid)
33. Willi Orban (RB Leipzig)
34. Ruben Dias (Man City)
35. Nico Elvedi (Gladbach)
36. Sergio Ramos (Real Madrid)
37. Edmond Tapsoba (Leverkusen)
38. Thiago Silva (Chelsea)
39. John Stones (Man City)