Jowhar – ( Radio Isnaay ) – Barcelona ayaa isku dayi doonta inay ka dhigto kulankii afraad oo xidhiidh ah oo horyaalka La Liga ah ee ay guul gaadho marka ay caawa u safarto dhigeeda dhibaataysan ee Elche.
Barcelona ayaa ahayd mid guulo soo gaadhaysay kulamadii ugu dambeeyay balse kooxda martida loo yahay caawa ee Elche ayaan ahayn mid wax guul ah gaadhay ilaa bishii October ee sanadkii hore.
Barca oo uu kulankiisii ugu dambeeyay ee labaad kaadh casaan ah ku maqnaanayo kabtankeeda Lionel Messi ayaa haddii ay saddexda dhibcood wada hesho ciyaartan ku laaban doonta booska 3-aad oo ay Sevilla oo xalay guul gaadhay kasii gashay.
Wararka Labada Kooxood Ee Kulanka Kahor
Ivan Marcone ayaa ka maqnaa Elche kulankii ay bar-bardhaca 2-2 ah lasoo gashay Real Valladolid balse khadkaas dhexe ayaa diyaar u ah kulanka caawa.
Da’yarka daafaca midig ee Barcelona ee Sergino Dest ayuu shaki ku jiraa haddii uu qayb ka noqon doono kulankan kaddib dhaawac bawdada ah halka Gerard Pique, Philippe Coutinho, Sergi Roberto iyo Ansu Fati ay dhammaan maqnaan doonaan.
Oscar Mingueza ayaa markale daafaca midig kusoo bilaaban doona halka maqnaanshaha Messi uu Martin Braithwaite u sahlayo inuu weerarka kula midoobo Ousmane Dembele iyo Antoine Greizmann.
Shaxaha Macquulka Ah Ee Labada Kooxood
Elche (3-4-3): Badia; Verdu, Gonzalez, Josema; Barragan, Marcone, Guti, Mojica; Rigoni, Boye, Josan
Barcelona (4-3-3): ter Stegen; Mingueza, Araujo, Lenglet, Alba; de Jong, Busquets, Pedri; Griezmann, Braithwaite, Dembele
Xogta Kulanka
Tartanka: La Liga
Garoonka: Martinez Valero
Wakhtiga: 6:15 fiidnimo xilliga geeska Africa
