Jowhar – ( Radio Isnaay ) – Qeybtii ugu horeysay ee daawada Pfizer/BioNTech oo ah talaalka xanuunka karoonaha ayaa la gaarsiiyay qaar ka mid ah isbitaalada iyo goobaha caafimaadka ee UK.
Ilaa 50 meel oo laga bilaabi doono wajiga koowaad ee talaalka ayaa la geeyay sanduuqyo qaboojiyaal
ah oo talaalka uu ku jiro.
Maalinka talaadada ayaa saraakiisha caafimaadku sheegeen in uu talaalka si rasmi ah u bilaabanayo.
Dadka ugu horeeya ee la talaalayo ayaa ah shaqaalaha caafimaadka , dadka 80 sano ka weyn iyo dadka ku sugan goobaha dadka da,da ah lagu xanaaneeyo.
UK waxay dalbatay talaal ku filan 40 malyuun oo qof waana dalkii ugu horeeyay aduunka ee talaalka karoonaha ansixiya.
