JOWHAR(RADIO ISNAAY)Liverpool ayaa si rasmi ah ugu dhawaaqday in xidiga kooxdeeda ka tirsanaa ee Ovie Ejaria uu heshiis buuxa oo joogto ah ugu wareegay kooxda Reading kadib markii uu horyaalka heerka labaad amaah ku soo qaatay xili ciyaareedkii la soo dhaafay.
Ovie Ejaria oo ka mid ahaa ciyaartoyda waqtiyo loo arkayay mustatqbalka khadka dhexe ee kooxda Liverpool ayaa amaah ugu soo qaatay kooxo badan oo kala duwan laakiin waxa uu ugu danbayn heshiis rasmi ah ugu biiray kooxda heerka labaad ee Reading.Ovie Ejaria ayaa loo arkayay in uu noqon lahaa Yaya Toure-ha cusub ee Liverpool laakiin tartanka xoogan ee ka jira khadka dhexe ee kooxda Jurgen Klopp ayaa sabab u noqday in aanu qayb ka sii ahaan Anfield.
Warka ay Liverpool ugu dhawaaqday heshiiska Ovie Ejaria ayaa lagu yidhi: “Ovie Ejaria waxa uu dhamaystiray u wareegista Reading kadib markii uu amaah kooxda heerka labaad ee Reading ugu soo qaatay xili ciyaareedkii 2019/2020”.
Liverpool ayaa wanaaga ugu fiican u rajaysay xidiga kooxdeeda fursada ka waayay ee Ovie Ejaria kaas oo la filayo in uu mustaqbalka Reds ku qasbi doono in ay ka fikiraan sidii ay u soo celin lahaayeen maadaama oo uu ka mid ahaa ciyaartoyda tayada leh ee Anfield waqtiga ku soo qaatay.
