Tuulada Cali fooldheere oo Qiyaastii 8-km Dhinaca Waqooyi Bari kaga beegan Degmada Mahadaay ee Gobolka Shabeellaha Dhexe ayaa Waxaa Saameyn Xoogan ku yeeshay Fatahaadaha Wabiga Shabeelle oo jaray Wadada Xiriirisa Tuuladaasi iyo Degmada Mahadaay Muddo laba bilood ah.
Dadka Kunool Tuuladaasi ayaa haatan u adeeg doonta Deegaanka Biyo cade oo u jirta 12km sidii ay ku heli lahaayeen Raashin ay isticmaalaan Madaama isku socodka gaadiidka iyo Dadka ee Wadada Xiriirisa Mahadaay iyo Cali-fooldheere ay kala xirmeen.
Axmed Nuur Macallin oo ka mid ah dadka Tuulada Cali-fooldheere ayaa Sheegay in sare u kac Xagga Maciishada ah laga dareemayo Tuuladaasi waxaana uu xusay in rajo wanaagsan oo laxiriirta Furitaanka Wadada Xiriirisa Degmada Mahadaay iyo Deegaanka Cali fooldheere ay sugayaan Dadka kunool Tuuladaasi isagoo Bulshada Gobolka Shabeellaha Dhexe ugu baaqay in ay kudadaalaan Caawinta dadaka ay saameeyeen fatahaadaha Wabiga Shabeelle ee Gobolka Shabeellaha Dhexe waxaana uu Maamulka Gobolka ugu baaqay in ay kaqeybqaataan Sidii loo xiri lahaa biyaha kasoo fatahay Buqda Huriwaa oo Duleedka Galbeed kaga aadan Degmada Mahadaay
warbixintaan waxaa inoo soojeedineysa:-Maryama Sheikh Cabdi.
