Kooxaha Atalanta iyo Paris Saint-Germain ayaa iskaga hor imanaya siddeed dhamaadka UEFA Champions League oo xili ciyaareedkan laga dhigay mid hal kulan ah oo aan lahayn qaabkii martida iyo minanka iyada oo uu sababay caabuqa karoona fayras.
Paris Saint-Germain ayaa wajahaysa kooxda xili ciyaareedkan layabaka soo dhigtay ee Atalanta laakiin arinta qariibka ahi waa in kooxda PSG ay Mbappe iyo Neymar Jr oo kaliya ku kharash garaysay lacag ka badan intii ay Atalanta kooxdeeda oo dhan ku kharash garaysay laga soo bilaabo 2001 kii.
PSG waxay Neymar Jr iyo Mbappe kula soo wareegtay 392.7 milyan gini laakiin kooxda ay caawa wajahayaan ee Atalanta waxay kooxdeeda ku kharash garaysay 385.3 milyan gini laga soo bilaabo sanadkii 2001 kii.
