Xafladaan oo ahayd mid ay ku qalin badalanayeen Ardeyda fasalka 12-aad ee Dugsiga sare ayaa waxaa kasoo qeyb galay Mas’uuliyiin Katirsan Maamulka Hirshabeelle, Maamulka Gobolka Shabeellaha dhexe, Duqa Magaalada Jowhar, Macalimiin, Waalidiin iyo arday waxaana uu ujeedkeedu ahaa sidii loo dhiiri galin lahaa Ardayda Dugsiga sare dhameysatay ee isu diyaarinaya in ay Bilaabaan Jaamacadaha Dalka.
Dhaman kasoo qeyb galayaashii Xafladda ayaa Goobta ka soo jeediyay kalmado goobaabin u badnaa Waxaana ugu horeyn Goobta ka hadlay Maamulka Dugsiga Shiikh Xasan Barsane ee Magaalada Jowhar Axmed Cabdi Maxamuud waxaana uu sheegay in Ujeedka Munaasbadda ay tahay in lagu dhiiri geliyo Ardayda dhameysatay Dugsiga sare ee haatan isu diyaarinaya in ay Bilaabaan Waxbarashada Heerka Jaamacadeed isagoo Ardayda kula dardaarmay in ay dadaalkooda halkan ka sii wadan.
Warbixintaan waxaa inoo soo Jeedineeysa:- Xaliimo Cali Ibraahim.
