Jowhar – ( Radio isnaay ) – Tababaraha Kooxda Man City ee Pep Guardiola ayaa Fariin u diray Kooxaha Arsenal iyo Liverpool kadib guushii ay ka gaadheen kooxda Newcastle.
Kooxda Man City ayaa daqiiqadihii geerida 3/2 kaga badisay kooxda Newcastle kulan ka tirsanaa horyaalka premier League.
Man City ayaa la filayay in laga badiyo marka la eego qaab ciyaareedka ay soo bandhigtay ilaa 10-kii daqiiqo ee ugu dambeeyay ciyaarta.
“Kooxdaan waa gaajaysan tahay waxayna dooneysaa inay markale ku guuleysato horyaalka premier League”ayuu Guardiola yidhi.
Kadib guusha kooxda Man City ayaa kaalinta 2-aad ka gashay kala saraynta horyaalka premier League.
