Jowhar – ( Radio isnaay ) – Xiddiga reer Argentina ee Lionel Messi ayaa qirtay inuu doonayay inuu ku laabto Barcelona, ka hor inta uusan u dhaqaaqin Inter Miami xagaagii.
Messi ayaa yiri: “Ku soo laabashada Barcelona waxay ahayd dookheyga koowaad, laakiin ma aysan suurtagelin, waxaan isku dayay inaan ku laabto Barcelona, laakiin ma awoodin inaan sidaas sameeyo”.
Wuxuu intaas ku daray: “Waxaan ku fikiray inaan u wareego horyaalka sucuudiga, sababtoo ah waan garanayaa dalka, waxayna sameeyeen horyaal mustaqbalka noqon kara mid ka mid ah horyaallada ugu muhiimsan”.
Isaga oo hadalkiisa sii wata waxa uu yidhi: “Anigoo safiir ka ah Sucuudiga, horyaalka sucuudiga wuu isoo jiitay sababta oo ah waan ku raaxaystay mar walba oo aan booqday sucuudiga”.
Wuxuu ku soo gabagabeeyay: “Waxaan haystay laba dookh Saudi Arabia ama American League, labada doorashoba waxay ahaayeen kuwo xiiso ii leh.”
Sucuudiga ayaa ugu dambayn ku biiray kooxda ka ciyaarta horyaalka Maraykanka waxana uu ku biiray kooxda Inter Miami.
