JOWHAR (Radio isnaay) Doorashada Guddoonka Golaha Shacabka ee baarlamaanka 11aad,oo Xalay ka dhacday Teendhada Afisyooni ee Xayndaabka Xalane.
Doorashada ayaa gashay labo wareeg, waxaana wareeggii 1aad kasoo gudbay Afar Musharax , kuwaasi oo helay codadka ugu badan, waxaana ay kala ahaayeen: Xasan Cabdinuur oo Helay 98 cod, Cabdulaahi Black oo helay 33 cod, Sheekh Aadan Madoobe oo helay 74 cod iyo Aadan Saransoor oo helay 23 Cod.
Balse Aadan Saran-soor iyo Cabdullaahi Black ayaa tanaasulay, waxaana wareegga kama dambeysta ah isla aaday Sheikh Aadan Maxamed Nuur Madoobe iyo Xasan Cabdi Nuur, waxaana guushu ay raacday Aadan Madoobe oo helay Codadkii ugu badnaa.
Guddoomiyaha guddiga doorashada Cabdirsaaq Cumar Maxamed oo ku dhawaaqay natiijada, waxana Aadan Madoobe uu helay 163 cod , halka Xasan Cabdi Nuur uu isna helay 89 cod.
