JOWHAR (Radio isnaay) Ugu yaraan 6 milyan oo qof oo Soomaaliya ku nool ayaa laga yaabaa inay soo wajahdo dhibaato ama cunto yari ka sii daran inta u dhaxaysa bilaha April ilaa June ee sanadkan.
Shir jaraa’id oo uu qabtay afhayeenka Qaramada Midoobay Stephane Dujarric, ayaa shaaca ka qaaday in loo baahan yahay qorshe jawaab celin ah oo bini’aadantinimo.
“Laga bilaabo Abriil 7, Qorshaha Waxqabadka Bani’aadamnimada ee 2022, kaas oo ku baaqaya ku dhawaad 1.5 bilyan oo doolarka Mareykanka ah si loo caawiyo 5.5 milyan, haween iyo carruur ah oo ka mid ah dadka ugu nugul ee Soomaaliyeed ayaa weli ah mid aad u hooseeya 4.4 boqolkiiba.
Abaarta ayaa ka sii daraysa guud ahaan dalka. . Qiyaastii 4.9 milyan oo qof oo ku nool Soomaaliya oo dhan ayay saamaysay, oo ay ku jiraan in ka badan 719,000 oo qof oo gudaha ku barakacay. Cunto-la’aanta ba’an ayaa aad u korodhay tan iyo bilowgii sanadka,” ayuu yiri Afhayeen Stephane Dujarric.
Dujarric ayaa sheegay in dhimashada xoolaha iyo cudurro ka dillaacay ay aad u baahsan yihiin, iyadoo ilaa 80 boqolkiiba ilihii biyaha ee dalka ay gureen, heerka biyaha webiyada Shabeelle iyo Jubba ay ka hooseeyaan.
Abaarta ayaa xilligaan saameeysay inta badan Gobolada dalka Soomaaliya, waxaana Madaxda dowladda Soomaaliya & dowlad Goboleedyada ay ku mashquuleen Arrimaha doorashooyinka.
