JOWHAR (Radio isnaay) Kooxda Barcelona ayaa isku diyaarinaysa in ay dalab Rasmi ah ka gudbiso saxiixa xiddiga weerarka uga ciyaara kooxda liverpool ee Roberto Firmino inta lagu jiro suuqa January.
Xiddiga 30 jirka ah ayaa galaya 18-kii bilood ee ugu dambeeyay heshiiskiisa Liverpool waxana jira warar sheegaya in uu iska diidi doono in uu heshiis cusub u saxiixo kooxda.
Sida laga soo xigtay El Nacional, Liverpool ayaa ogolaatay inay iska iibiso Firmino haddii dalabka saxda ah u yimaado xiddiga suuqa January ama xagaaga dambe Barcelona ayaana xiiso u muujinaysa xiddiga.
Wararka ayaa sheegaya in ay Liverpool xiddiga reer South America ku qiimayso lacag dhan 16.7 milyan euro iyaga oo doonaya in ay uruuriyaan lacag ay kaga baxaan xaalada dhaqaale ee uu xanuunka Korona keenay.
Firmino ayaa kooxda u dhaliyay 94 gool 73 kalena caawiye ka noqday 310 kulan oo uu u ciyaaray Liverpool tan ilaa markii uu yimid kooxda xagaagii 2015.
