Jowhar – ( Radio Isnaay ) – Barcelona ayaa lagu soo waramayaa inay xiiseyneyso inay dib ula midoobo weeraryahanka Inter Milan Alexis Sanchez bisha January.
32 jirkan ayaa kaliya 380 daqiiqo u ciyaaray Inter Milan xilli ciyaareedkan isaga oo ku lug lahaa 2 gool iyo 2 caawin.
Kooxda Inter Milan ayaa diyaar u ah in ay iska fasaxdo xiddiga taas oo keentay in ay Barcelona xiiso u muujiso saxiixa xiddiga.
Sida laga soo xigtay Sport, Barcelona ayaa doonaysa in ay Sanchez keento Camp Nou suuqa January si ay uu xoojiso weerarkeeda qabta dambe ee xilli ciyaareedka.
Barcelona ayaa la sheegayaa in ay Xiddiga Luuk de jong u diri doonto Inter Milan inta ka dhiman xilli ciyaareedkan si uu amaah ugula joogo kooxda.
